Geguritan: Puisi Jawa Mengenai Kasih Sayang Orang Tua

Orang tua merupakan pilar dalam kehidupan setiap anak. Kasih sayang, pengorbanan, dan doa mereka sering menjadi inspirasi bagi karya sastra. Salah satu bentuk sastra yang memuat perasaan ini adalah geguritan, puisi modern berbahasa Jawa yang bersifat bebas dan imajinatif.

Berbeda dengan puisi Jawa lama, geguritan tidak terikat aturan khusus seperti guru gatra, guru lagu, maupun guru wilangan. Penulis dapat mengekspresikan isi dan makna tanpa batasan bentuk. Istilah geguritan berasal dari kata “gurit” dalam bahasa Jawa yang berarti sajak atau puisi. Karya ini biasanya ditulis dalam bahasa Jawa, namun kini juga dapat menggunakan bahasa Indonesia atau bahasa lain sesuai kreativitas penulis. Meski begitu, nilai estetika dan pesan moral tetap menjadi bagian penting.

Geguritan bertema ibu dan ayah biasanya berisi ungkapan kasih sayang, perjuangan, pengorbanan, hingga doa untuk kedua orang tua. Dengan penggunaan bahasa Jawa yang sederhana namun mendalam, geguritan mampu menghadirkan suasana haru sekaligus penuh makna. Berikut daftarnya dari berbagai sumber.

1. Ibuku

   Ibu…Sapa kang bisa ngerti aku

   Kajaba ibuku

   Saben dina saben wektu

   Ibu tansah ndidik awakku

   Saben ibu duka marang aku

   Lara tenan rasane atiku

   Ibu…Aku njaluk restu

   Supaya anggonku sinau

   Bisa migunani kanggo masa depanku

   Ibu…Au tresna marang ibu

   Tanpa ibu aku dudu sapa-sapa

   Amarga ibu aku ana ning donya

   Maturnuwun ibu

   Aku tresna ibu

2. Sasuwir Dongane Ibu

   Satekem lintang kang dakpetik saka jembare langit

   Sarta sasuwir dongane

   Muga isih bisa gawe sangu cecoloking laku

   Rikala sadawaning dalan pangrantu

   Mung dikebaki esem wayu

   Duweke prawan ayu

   Sing omahe kidul gunung lawu

   Sacuwil angin kangen dakrangket saka pategalan

   Muga bisa nuwuhake kesabaran

   Marang titah kang nate kelangan katresnan

   Saengga masia durung tekan wayahe

   Ngrasakake endah lan manise

   Dheweke ora nyupatani jaman

   Kanthi sewu supata

   Kang bisa nambak samudra

   Nyatane bagya lan kuciwa

   Padha karo hawa

   Sing tekane tanpa aweh pawarta

   Lan samangsa gelem lunga

   Babar pisan ora nate menehi pirsa

   Mulane mumpung wengine isih turu

   Becike padha elinga pesene ibu

   Supaya tatu ing dhadhamu dadi lebu

   Luntur lebur dadi sawijining kenangan

   Kang bakal dadi pepaesing jaman

3. Pesene Bapak

   Bapak nate pesen prasaja marang anake

   Bapak mung pengin duwe anak prasaja

   Gelem nampa urip kanthi apa anane

   Ngupaya samadya tanpa ngangsa

   Utawa gugat marang Kang Maha Kuwasa

   Pesene bapak liyane

   Aja dadi konang sing melik dadi lintang

   Aja dadi lintang sing melik dadi rembulan

   Aja dadi rembulan sing melik dadi srengenge

   Aja dadi srengenge sing seneng menange dhewe

   Kena dadi apa wae sauger ora pengin dadi liyane

   Merga sing jenenge nuruti karep ora bakal ana enteke

4. Pituture Bapak lan Ibu

   Mungguhe Bapak

   Papan iki kabeh kamanjingan kabebasan

   Mulane aja nggumun

   Rikala nyipati akeh wong umuk

   Kang wicarane tansah muluk-muluk

   Wulangane Bapak

   Yen kepengin dolan cecawisa kesabaran

   Merga ing kene tembung-tembung sengit kebak pangece

   Diumbar sadawane dalan

   Sapa sing beda panemu bakal diasorake

   Tanpa wedi ketaman panase sawan

   Ibu njangkepi

   Ing kene akeh kang seneng nggunakake tetembungan langit

   Tembung sing angel dimangerteni kawula alit

   Ing kene basa rinengga tansah disubya-subya

   Bapak lan ibu ngelingake

   Ing donya iki kang duwe ngelmu sejati

   Mung suket teki

   Senajan diurug lan dijabel bola-bali

   Dheweke tetep saguh tuwuh ngrembaka

   Urip mardhika ing satengahe jaman kang saya tuwa

5. Dongane Ibu

   Udane wis rampung, Le

   Nanging aja kesusu bali

   Lungguha kene ngancani ibu

   Sinambi rembugan wigati

   Murih reribet sajroning ati

   Bisa luntur bebarengan tekane bun-bun wengi

   Yen saben prahara wis pinasthi

   Kena ngapa isih kudu kok tangisi

   Kalane nemahi kuciwaning ati

   Aja banget anggenmu nggetuni

   Nalika akeh mripat wis padha turu

   Pengin dikirim salembar pawarta

   Marang para putra

   Kang lagi padha ngumbara

   Muga wae enggal kok temu

   Manising madu ing uripmu

   Saengga tresna kang suwe kok rantu

   Enggal bisa ketemu

6. Langkah Ibu ing Subuh Dina

   Nalika lintang isih gumantung ing pucuk langit

   Lan ayam durung muni

   Ibu wis tangi luwih dhisik

   Njur nyiapake urip saka pawon sing sepi

   Asape geni dadi saksi

   Yen tresna ora nate butuh sora

   Tangane sing wis keriput

   Ngrumat nasib anak-anake kanthi sumarah

   Aku mung bisa ndeleng saka adoh

   Nggawa rasa kangen sing ora tau entek

   Ibu ora nate ngeluh marang wektu

   Nanging tansah ndonga ing saben sujudmu

   Yen mengko aku wis adoh saka omah

   Muga asmamu tetep dadi padhang dalanku

   Amarga saben langkahku

   Ana berkah saka lemesing tanganmu

7. Jejaking Bapak

   Langkahmu alon, Pak

   Nanging jejake jero ing atiku

   Keringetmu dadi madu gesang

   Kanggo nyukupi kabutuhan kulawarga

   Saben tatu ing sikilmu

   Ora nate mbok critakake

   Saben kesel ing dadhammu

   Mbok kubur ing eseman prasaja

   Bapak ora akeh tembung

   Nanging piwulangmu tansah lumebu

   Lumantar tuladha lan tumindak

   Sing luwih lantang tinimbang swara

   Saiki aku ngerti, Pak

   Yen kejantanan sejati

   Ora ana ing swara seru

   Nanging ana ing tanggung jawab sing tansah dicekel nganti mati

8. Antara Ibu lan Bapak

   Ibu kaya segara

   Sing sabar nampung sakabehing lara

   Bapak kaya gunung

   Sing jejeg ngadhepi badai lan angkara

   Ibu ngelus nganggo rasa

   Bapak ndhedheg nganggo daya

   Loro-lorone padha mulya

   Ing carane nglindhungi kulawarga

   Yen aku tiba

   Ibu ngrangkul kanthi luh

   Yen aku bingung

   Bapak nuduhake dalan nganggo arah tumuju

   Ing antarane ibu lan bapak

   Aku sinau arti urip lan katresnan

   Yen tresna ora mung diucap

   Nanging dikorbanke kanthi katulusan

Geguritan ini tidak hanya menjadi tugas sekolah, tetapi juga menjadi bahan renungan tentang pentingnya menghargai perjuangan orang tua. Dengan bahasa yang indah dan kiasan, para penulis menampilkan perasaan yang mendalam, mengajak pembaca merasakan kasih sayang, pengorbanan, dan doa yang tak terhingga. Melalui kumpulan geguritan ini, pembaca dapat merasakan kedalaman perasaan dan nilai moral yang diangkat oleh para penulis, menyoroti peran penting orang tua dalam kehidupan seorang anak.